政府嘅第二輪配對補助金計劃呢個月底就截止申請，八大資助院校中籌款爆晒燈嘅永遠係港大同中大兩間老牌大學，兩間都籌到上限兩億五，而教育學院就包尾。不過，校長莫禮時都要盡最後努力，佢前日就出咗封電郵報喜，話胡應湘又再捐三百萬畀教院，令佢哋嘅籌款總額增加到一千二百萬。
咦，Sir哥頓（胡英文名）唔係城大校董會主席咩，聽講城大都係籌得千幾萬，莫非班學生仔真係激親主席，搞到佢有錢都向外流？無論乜嘢原因，冇富貴校友，就要各出奇謀，教院教育政策與行政學系本月二十一日準備搞個民歌晚會，入場費三百大元，演出嘉賓有前電台DJ鄧惠欣等，啲錢全部撥入教育發展基金，想幫吓教院手，就捐錢啦。
爆料熱線：29290000、27860099
報料傳真：26239278
報料電郵：[email protected]