求完心安理得
「自10年前第1次踏足泰國開始，我就年年都會過去世貿前面嘅四面神拜一拜、祈福同還神，一年平均都會去四次㗎﹗我覺得拜完會心安理得，同埋都幾Respect佢，所以每次經過都雙手合十祈求平安。」
出國順順利利
「拜開都係世貿嘅四面神，我自己就無宗教信仰嘅，都係求出團順順利利。我知道有好多香港人都會專程走過去祈福、還神，因為啲團友都去過好多次，只係為咗拜一拜神，順便度個假。」
熬四小時求福
「我覺得最靈的是位於曼谷南面的LUNGPUATKUN（譯音：龍匹觀），雖然由曼谷出發要4小時，我都願意長途跋涉去祈福。我覺得拜佛係講心嘅，就算只係花20泰銖買一Set花、香和金箔都已經好足夠。」
年年還神
「我去泰國拜四面佛都有7、8年啦，由最初入鄉隨俗咁拜吓，到而家成為咗我嘅信仰。我每年3、4月都會過去還神，每次都會請8個女仔跳舞，都不過係700泰銖左右。」
記者：杜慧妍
