中原美聯歡喜寃家，經常你抄我、我抄你，好似中原執董陳永傑上個禮拜生日，高層同佢慶祝，單花絮新聞見報後，美聯唔執輸，出番單高層生日會花絮，爭取見報。 美聯九龍區一哥羅國安，噚日生日，營業董事與主管三十人，禮拜日晚預早同佢慶祝，送上「好事成雙」生日蛋糕及名筆畀佢。 現場有抽獎環節，壽星仔即場攞四千蚊出嚟做現金獎，實行與眾同樂。