何韻詩、周麗淇和官恩娜前晚在屯門做騷，雖然三人早已穿上禦寒衣物打底，但因天氣實在太冷，三人上台即凍到全身僵硬，何韻詩更透露早年在加拿大曾因天氣寒冷而三日不沖涼呢！
官恩娜（Ella）、何韻詩和周麗淇等前晚在屯門鄧肇堅運動場出席「同心滅罪耀屯門」，由於天氣異常寒冷，新界氣溫只得十度，幾位歌手上台後均凍到牙關打震，揸實拳頭。
阿詩衣衫單薄的上台，凍得縮作一團，她說：「未試過咁凍天氣做騷，喺加拿大嘅時候我反而唔怕凍，但當時我好唔鍾意沖涼，最高紀錄三日先至沖，嗰邊啲鬼仔都係咁，所以唔當係乜嘢一回事，但返到香港就有潔癖，一日沖兩次。」
官恩娜向蛇道歉
日前Ella為《慈善星輝仁濟夜》中演出的蛇屋項目，被投訴有虐蛇之嫌，她亦認同說：「我都覺得啲蛇好可憐，但我都係做善事，如果整親佢哋真係唔好意思。」
此外，陳苑淇昨日為新城節目擔任嘉賓主持，她邀請Ella做嘉賓，不過陳苑淇因皮膚敏感全身出滿紅疹，而Ella就不小心扭傷盆骨，二人更自嘲是「傷殘二人組」。
採訪、攝影：馬建華、李珮洳
