上網已經變成生活一部份，好似Yahoo香港區總經理蔡寶德（圖），返工已經成日要上網，估唔到公餘嘅娛樂都係上網，不過就係打OnlineGame，佢最常玩嘅就係網上麻雀同中國象棋，喺邊到玩？梗係Yahoo啦！
蔡總同華華講，除咗OnlineGame以外，佢都有試過Click入「有緣人」（即係佢哋嗰個徵友配對服務）試玩吓，但就唔係徵友，只係想試吓個服務得唔得啫，睇吓有冇需要改善嘅地方。真係寓工作於娛樂。
至於業務方面，蔡寶德話今年香港會推出VOIP嘅服務，客戶成功登記之後，就可以月費22元，或者年費220元，任打電話去海外地區。嘩！做到個價咁平，睇怕國際電話通話市場又有一場惡鬥。