佘詩曼噚日喺將軍澳以民初造型拍新劇《鳳凰四重奏》，阿佘對於鄭伊健同梁詠琪結束七年情，感到好可惜，佢舊年三月同伊健合作拍攝劇集《隨時候命》，都睇唔出伊健唔開心。 阿佘又話情侶中有一個係圈中人，壓力都會大，問佢𠵱家壓力大唔大，阿佘好醒目唔提緋聞男友陳浩民，佢話：「我冇拍拖，工作壓力就好大。」