兩大代理集團四行，今個月重點活動，係周年晚宴，不過，港置喺慶祝之餘，繼續積極參與慈善活動，響應紅十字會下個月嘅賣旗籌款。 置善會會長楊彩鳳話，公司內部近日搞「慈善大亨」獎項，分個人及分行兩組，善款捐畀紅十字會，規則當然係捐款最多嘅就贏，可以攞到嘉許狀。置善會舊年為香港青少年服務處賣旗，及為基督教勵行會賣獎券籌款。