香港人真的做壞了身子，十二、三度已經又羽絨褸、又皮褸把自己包到實一實，不知如有一天跌到零下十度，會有多少人能撐得住？躲在家中，開着套靚Hi-Fi，播甚麼音樂可以令身體升溫呢？
這張新鮮滾熱辣的結他碟，剛剛到手才幾天，連美國的出版日期都係今日先推出，能先聽為快，香港的發燒友都算巴閉！伊朗籍結他手Armik在歐美的知名度熱到爆表，剛剛才成為Billboard05年度十優藝人嘅第6位（NewAge音樂類），來頭認真唔簡單，連他所彈奏的結他亦唔係普通料，全部均由西班牙最出名的三位造琴師為Armik度身訂做，結他音色暖笠笠得來好有自己風格，過去兩年Armik共推出了5張專輯（好過去搶），而這張《Desires》係一張新曲加精選嘅專輯，碟內14首作品大部份是來自這5張碟的精華所在，新作則只有兩首，對於從來未接觸過Armik的朋友，買這張精選碟便已足夠。
文：李廸偉（[email protected]）