六十一歲肺癌康復者松叔，早前無力在新居廚房安裝一部抽油煙機，遂向本報求助，他的需要經報道後，即獲讀者送贈一部新抽油煙機，日前他另接獲讀者一千七百元捐款。
松叔接過記者轉交的善款後，開心不已，「上月搬屋已經使咗大筆錢交租金同埋雜費按金，生活開支都好緊，因為冇錢買床，搬屋之後一直瞓地下，呢排都為錢銀嘅事煩；𠵱家收到呢筆捐款真係好合時，令我可以放下心頭大石，啲錢會用嚟買張新床同埋添置衣服畀囝囝，有剩嘅錢會留番過年用。」
與幼子領綜援
松叔的妻子居於內地，他現與六歲兒子領取綜援金過活。松叔為長期病患者，患有心臟病及糖尿病，須定期服藥及覆診，以控制病情。兩年前，他罹患肺癌，幸治療後病情受到控制。
由於松叔以往居住的公屋單位狹小，空氣不流通，早前他以健康理由獲房屋署安排區內調遷，改善居住環境，遷往新居後的松叔，喜獲社工轉贈二手家具及電器，應付需要。
「好心有好報」
對於社會人士的熱心援手，松叔感到人間有情，坦言無以為報，「呢次搬屋，有社工幫我申請家具，又有《蘋果日報》讀者買抽油煙機同埋捐善款畀我，大家無條件嘅幫助，令我好感動，真係唔知應該點多謝你哋，希望善長個個好心有好報。」
捐款編號：C1843
暖流熱線
電話：29908688
傳真：23702192
電郵：[email protected]
網址： http://www.charity.atnext.com