黎明（Leon）呢排雖然同樂基兒蜜運中，但佢都冇話淨係顧住拍拖唔做嘢，拍完寰亞部《情義我心知》後，四月佢又會演出內地一部新戲《心中有鬼》，呢部戲係由內地一位新導演藤文滔執導，女主角就係劉若英。
出書談情傷
噚日馮仁昭打過電話畀黎明經理人陳善之，佢話：「係呀！我同Leon睇完個劇本，覺得好鍾意，所以決定接呢部戲，但個戲講乜嘢就唔想咁快公開。」至於劉若英亦表示好開心可以演呢部鬼片。
劉若英最近啱啱喺內地推出新書《我想跟你走》，本書係講愛情嘅，當中亦會寫到佢以前嘅愛情經歷。劉若英喺台灣曾經愛上一個男人，但個男人要離開佢，記者問劉若英當時點解唔跟個男人走？佢話：「其實是我不夠勇敢，才沒跟他走。」