樓市前景未明，大多數買家抱觀望態度，代理講到口水乾，都唔肯入市。中原王樹明，用行動話畀大家知，𠵱家係入市好時機。佢日前用九十七萬，買咗個嘉湖山莊樂湖居中層E，五百九呎，每呎逾千六。 王樹明喺呢區做咗超過八年，對市道梗係瞭如指掌。佢認為，隔籬嘅天水圍二十四B區項目開賣，會推高嘉湖造價半成，所以，𠵱家趁低吸納。