祖兒早前在商台頒獎禮中被林海峰和杜汶澤嘲笑為「樂壇李笑好」，前晚祖兒跟扮演李笑好的湯盈盈均有份演出仁濟籌款騷，記者本想拉攏二人合照，二人初時異口同聲答應，可惜最後不是祖兒要入錄影廠，便是湯盈盈要入廠，二人始終緣慳一面。
讚盈盈人氣hot
問祖兒可介意跟李笑好湯盈盈合照？她說：「唔會，佢人氣咁急升，喺電視咁hot，點會唔開心喎！可惜冇咁嘅機會。」
而劉浩龍和關志斌（Kenny）前晚在《仁濟》中扮假人，讓吳日言和戴夢夢替換衣服，兩女為男方拉褲鏈時，劉浩龍一時手多多自行將褲鏈拉上，Kenny則任由吳日言魚肉。
事後問Kenny吳日言有否接觸到其重要部位？他說：「唔知，我笑到儍咗，唔知掂唔掂到，其實自己好敏感，未試過俾人咁着衫，原本我哋想着短褲上陣，但怕走光俾人投訴，咁就唔好啦！」
問吳日言有否碰到Kenny重要部位？她笑說：「有，掂到好大條拉鏈囉，我唔覺得尷尬，係Kenny話我好暴力，叫我溫柔啲！」