要突圍而出，跳出框框可能係一條出路，就好似啤牌唔一定要四四方方嘅。泉州一間書店舉行撲克文化藝術節，展出二千多種唔同嘅啤牌。風景、歷史、人物有關嘅啤牌設計都有，要數最特別嘅，當然係小朋友手上嗰款鞋底形啤牌。開一個咁嘅藝術節，無形中亦吸引咗一啲顧客入嚟，對宣傳書店有着數。