香港樂壇四大頒獎禮各有各機制，但它們均設有讓樂迷投票的部份，以求選出真正實至名歸的歌王歌后。無綫「十大勁歌金曲頒獎典禮」將於下周日舉行，最受歡迎男女歌星獎備受注目，本報日前訪問了一百位市民，看看誰是他們心目中的最受歡迎男女歌星，結果劉德華以大比數拋離其他男歌手，容祖兒則以幾票之微險勝勁敵楊千嬅。
華仔：最大嘅鼓勵
劉德華在○四年度無綫「十大勁歌金曲頒獎禮」中，打破紀錄一人獨攬亞太區最受歡迎香港男歌星及最受歡迎男歌星兩個大獎，現在又成為本報街訪市民心目中的最受歡迎男歌星。身在北京拍《墨攻》的華仔在電話中說：「好多謝所有投過我票嘅人，『民意調查』呢四個字喺我心目中等同一個好大嘅鼓勵。」
曾遭雪藏氣餒
原來華仔當年曾遭無綫雪藏，一年間被投閒置散，當時他心裏感到相當氣餒，訓練班一位老師知道後，為了鼓勵華仔，特別請了一班大學生做了一個民意調查，結果顯示繼周潤發之後，最受歡迎的藝人就是劉德華。華仔說：「當時老師送咗份報告畀我，叫我一定要努力唔好放棄。我攞住呢份禮物，好努力咁做落去。所以我今日聽到呢個民意調查結果，同樣係咁開心。」
至於陳奕迅、古巨基及李克勤今年同樣走勢強勁，華仔卻獲大比數市民支持，問他可有信心得獎？他說：「我當然有信心，今年我嘅國語唱片同廣東唱片成績一啲都唔差㗎！」
樂壇屬持久戰
問華仔覺得今年最大勁敵是誰？他笑說：「應該係李克勤啦，因為克勤喺我心目中係一個優秀嘅歌手，一個歌手喺樂壇係講持久戰，咁多年嚟，克勤嘅水準一直保持得好穩定。」
撰文：蔡如玉、朱倬誼、李珮洳、王連連
攝影：林德雄
