湯盈盈、官恩娜和梁靖琪（Toby）昨日勇闖蛇屋，為《慈善星輝仁濟夜》籌款。官恩娜和Toby被蛇嚇得花容失色兼雙眼通紅。不過蛇群亦不好過，全被剝牙和以膠紙封口。
湯盈盈、官恩娜（Ella）和梁靖琪昨日在旺角朗豪坊為無綫《慈善星輝仁濟夜》錄影籌款，湯盈盈化身李笑好擔任該環節「住蛇屋」主持，兩位女歌手則先後入玻璃蛇屋做一連串動作，直至另一位歌手在屋外把歌曲唱完。由於屋內滿布惡蛇，Ella和Toby未入屋已𠵱嘩鬼叫，Toby打頭陣入屋收衫，Ella及後在屋內揑爆波，最後該環節籌得六十萬港元。
「怕捐入我條褲」
原本TVB預備了一條巨型飯鏟頭，但因兩位歌手被嚇得動彈不得，才決定抽走大蛇。Toby入蛇屋時已花容失色，加上未能一take過拍攝，需入蛇屋三次，拍畢後她指屋內臭氣沖天，她說：「真係好臭，佢哋又喺入面瀨屎，又有血嘅味道，真係好核突。」
Ella入屋前揚言不怕，但一進去跟飯鏟頭對望數秒後，嚇到動彈不得，她說：「真係好驚條蛇，佢係咁望住我，真係好變態，好似好邪惡咁，我怕佢哋捐入我條褲，直頭驚到全身抽晒筋。」原本湯盈盈以為能逃過一劫，但最後無綫仍安排她伸手入放滿蛇的抽獎箱拿善款，怕蛇的她一度用咪高峯撩開蛇群，但最後仍乖乖伸入箱內執起善款。
「預咗俾人投訴」
雖然三位靚女被嚇壞，但蛇群亦不好受，全被剝牙和以膠紙封口，以致流血和瀨出大小便，故惹來虐蛇之嫌。監製賴偉棠說：「關於蛇嘅嘢TVB唔熟，搵蛇王安排嘅，安全問題先要封蛇口，如果畫面太過份，會刪剪鏡頭。」問怕不怕被投訴虐蛇，他說：「血我就見唔到，大小便應該係自然嘅，跑馬都會見到啲馬一路跑一路屙屎啦。」Toby說：「錄影時有啲外國人經過，預咗俾人投訴嘞。」
採訪、攝影：王崇穎
