本小姐鍾情壽司，10蚊3件嗰啲壽司粒？Noway，我個矜貴靚肚食唔慣！「鳥八居酒屋」嘅壽司就啱晒我喇，全日本飛機貨勁新鮮，平時我閒閒哋食幾件都要擺低幾嚿水落樓，點知某Day有個侍應哥哥仔埋枱推介$188套餐，個餐有前菜、卷物、湯烏冬、味噌湯加10件壽司，咦，當中嘅海膽壽司散叫$80、吞拿魚腩$75、赤貝$35……，計番條數咪勁抵？淨食呢幾款壽司已經回本喇，貴有貴食咪執輸，梗喪叫我至愛又至貴嘅海膽壽司喇，點知哥哥仔又話：「每款壽司只限選一次㗎咋！」點得㗎？睇嚟個天都唔俾我慳，惟有散叫多幾客囉，反正我豪得起。
鳥八居酒屋（25910101）
地址：銅鑼灣登龍街28號永光中心1樓
瘦東：專食貴夾唔飽嘅嘢，口味同揀男友一樣：嘴刁！