滔滔不絕的顏福偉又批評無綫和新城，他說：「上年南京全運會，我向無綫自薦做特約記者，我做咗胡佳同郭晶晶嘅獨家專訪，但做完我唔高興。TVB冇幫我搞過記者證，有冇搞錯！OK，我唔入場做，自己喺酒店房做，做完TVB冇打嚟同我講句多謝，監製冇打過畀我，何麗全（無綫高層）都冇，講句多謝，呢啲係應有嘅禮貌，唔通佢認為有得畀我出鏡就得？ComeOn！我同無綫關係OK，《勁歌》我係上到，但一單還一單。」
新城缺透明度
至於新城，顏福偉則批評他們的頒獎禮欠透明度，他說：「今年新城邀請我去頒獎，我問佢哋嘅評選機制，佢哋答唔到我，唔透明，所以我冇去。我唔係大家想得咁鍾意出鏡，否則我去咗啦。」他續說：「上年有雜誌話畀我上封面，封面連訪問成個package，要我畀錢，咁即係影響新聞自由啫，我即刻推咗。」
後記情緒急轉
顏福偉口若懸河之際，筆者說他並沒回答究竟喜歡女人還是男人，他聞言突然高度戒備，語帶煩躁地說：「夠嘞，關於性取向，我已經講咗好多。」接着再問其他問題，顏福偉已心不在焉，並謂：「你都夠料寫啦。」
之後顏福偉便急着要求離開，他還說：「我會睇吓你作得有幾叻。」