五十八歲長期病患者昌叔，早前家中的二手電器損壞，無力購置更換，遂向蘋果日報慈善基金求助，他的需要經報道後，即獲熱心讀者購買新雪櫃及電視機給他。
日前，記者再次探訪獨居的昌叔，他正安坐家中看電視節目，不愁寂寞，對於這部新電視機，他讚不絕口：「𠵱家喺屋企有電視節目睇，唔使咁悶，開心好多，呢部電視機有成二十吋咁大，好清好靚呀！」
獲贈雪櫃電視機
接着，昌叔帶記者走到廚房指着那部由讀者送贈的新雙門雪櫃，「呢部雪櫃夠晒冰凍，食剩嘅餸菜可以擺入雪櫃度，唔使再擔心啲食物變壞。」
月前昌叔發現家中的雪櫃及電視機先後因機件固障失靈，無法繼續使用，惟他無力購買新雪櫃及電視機，遂致電向蘋果基金申請，近日他終於如願以償。
患哮喘長期服藥
昌叔早年從事清潔散工，惟其後健康轉差，被迫辭退工作，晚年領取綜援金度日。
昌叔患上哮喘病多年，須長期服藥及覆診，平日他大部份時間留在家中，甚少外出。
昌叔坦言：「年紀愈嚟愈大，身體又差，試過想搵份工做都冇人請，𠵱家惟有靠政府養，每月慳慳哋勉強夠使，不過想儲錢買啲嘢，根本冇乜可能，所以呢次好多謝《蘋果日報》讀者幫忙。」
捐款編號：C1810
暖流熱線
電話：29908688
傳真：23702192
電郵：[email protected]
網址： http://www.charity.atnext.com