容祖兒以三票之微險勝楊千嬅和何韻詩，日前祖兒在將軍澳接受本報訪問時說：「多呢三票贏到好開心啦，其實我知觀眾鍾意我啲乜，喜歡我夠平凡、夠入屋，似住喺隔籬嘅女仔。」
何韻詩夠熱誠
問祖兒認為其餘四位女歌手中，哪位才是真正對手？她笑說：「個個都係對手，佢哋有自己唔同嘅地方，何韻詩對音樂好熱誠，音樂知識好豐富，佢係我一個難得嘅好朋友，又係一個好對手；Twins係我好姊妹㖭啦！Kelly（陳慧琳）就好穩定。」
至於與祖兒傳不和的楊千嬅又如何？祖兒說：「係俾傳媒搞到我哋好似有問題啫，我好欣賞千嬅，佢唱歌嘅時候發揮到自己獨特嘅氣質。」
獲認同已足夠
目前尚有兩個頒獎禮還未揭盅，但不少人看好祖兒應可成為女歌手之中的大贏家，未知她對獎項有多少把握？祖兒說：「我諗唔會好差，冇畀自己好大壓力，我努力咗成年，會選擇喺呢個月放鬆，所有成果唔係呢一刻去緊張。到咗最後，真係唔係最多獎嗰個，我會戥得獎者開心，唔得嘅下年再嚟。今次你哋做呢個選舉，純粹係民意，冇任何機制，純粹觀眾鍾意，做到呢個冠軍都已經好開心啦！」
