台北市光復南路最近開咗家叫台糖白甘蔗嘅火鍋店，白甘蔗做湯底嘅火鍋，係呢家店嘅招牌菜，好多人都去幫襯；但係招牌上面大大隻台糖兩個字，令好多顧客都以為，有經營糖業嘅台灣國營企業台糖公司，最近開咗家火鍋店；台糖公司懷疑有人仿冒，最近向呢家火鍋店發咗封律師信，要求佢喺網頁同介紹上加註「非台糖關係企業」，唔係就會訴諸公平會，一經裁定仿冒，最高罰款港幣六百萬元。