古巨基○五年過了一個大豐收年，但也是是非多多的一年，因為對手陳奕迅（Eason）潛伏後出山，二人由年頭鬥到年尾，爭獎不和傳聞順勢而起，不過基仔視獎項為年終花紅，既然每個月有出糧，自己也升職加薪，輸了歌手獎也只當作沒有年終花紅。叫基仔選去年的五件大事，基仔刻意只挑了四件，並說：「最好嘅事永遠都留待明年發生」。
二○○五年是古巨基大豐收的一年，他有如擦亮了阿拉丁神燈一樣，獲燈神許諾三個願望，年頭舉行紅館處男個唱，加場再加場，結果熱爆十一場，年中推出《勁歌金曲》大碟，銷量成全年唱片之冠，年底又獲封香港十大傑青殊榮。基仔表示去年確實是他最大收穫的一年，也是入行以來最忙的一年。
學懂祝福他人
忙過了，付出過了，也開心過了，現階段圍繞大部份香港歌手心中的，大概都是頒獎禮三個字，基仔可有期待在獎項方面也大豐收？他說：「入行咁多年，心態已同當初唔同，我明白獎係錦上添花，係鼓勵，唔同媒體都有自己頒獎嘅制度，平時前輩話遊戲規則就係咁嘅意思，但成績嘅定義係一年十二個月，歌手做到嘅嘢，包括唱片、演唱會、電影，係各方面工作總合，真正嘅成績唔係人哋畀自己，係自己做出嚟嘅。打個比喻，一年有十二個月，每個人工作每個月都會出糧，有付出就有收穫，出糧就已經有所得，頒獎禮就好似係年尾出bonus咁，冇bonus嘅話唔代表你付出係白費，今年有加薪有升職，已經飲得杯落。」
如是說，基仔看獎項得失已經不太重？他表示：「我都入行咁多年，睇通咗㗎，人應該學懂為自己得到嘅嘢而感恩，為別人得到嘅嘢而祝福，咁樣大家生活都開心。」
愛唱歌吃薯條
陳奕迅潛伏一年後，去年發力猛追，結果與古巨基由年頭鬥到年尾，在音樂事業上似乎互相追擊角力，連DJ森美在頒獎禮上都以「薯條鬥傑青」來形容二人，於是爭獎不和傳言隨之而起，對此基仔說：「因為呢個叫娛樂圈，自然要有好多花邊新聞襯托，作為觀眾茶餘飯後嘅話題。就等於馬場跑馬，啲馬喺比賽中落力咁向前跑，但你唔會話兩匹馬不和㗎嘛，我同馬一樣，只會集中望住前面嘅路，用心努力咁跑。我同Eason私底下稱唔上熟絡，但大家出道咁耐識咁耐，可以話識於微時，大家了解對方係啲乜嘢人，唔會為無謂花邊新聞而有芥蒂。」
日前商台頒獎禮，陳奕迅從基仔手中奪回男歌手金獎，領獎時還在台上學基仔去年得金獎的台詞大叫：「我真係好鍾意唱歌㗎！」有人說他一時貪玩開玩笑營造氣氛，有陰謀論者卻指Eason借機寸基仔，基仔卻謂：「吓？我真係唔覺喎，我只覺得係佢同我惺惺相惜，大家都鍾意唱歌，我覺得今次頒獎禮氣氛好融洽，克勤用西裝打比喻，我上台都話畀人知我鍾意食薯條又鍾意着西裝啦，大家係咪諗多咗呀？」
至於頒獎禮後，有投訴指商台高層甘菁菁與Eason唱片公司一高層是夫妻關係，因此投票是黑箱作業，疑有人公器私用，基仔謂：「Takeiteasy，香港人開心啲啦！之前兩年商台都好支持我，我唔相信佢哋會咁做。」
目標搞音樂劇
作為歌手，在紅館開騷的願望已達成，問基仔下一個願望是否奪得最受歡迎男歌星獎？他說：「都話獎項係bonus，我重有個願望係搞音樂劇，好似張學友《雪狼湖》嗰種大型啲嘅，好口碑嘅。我係歌手，亦係一個演員，我想將呢兩個身份融合，搞個大型音樂劇。」
音樂劇以外，原來基仔除愛畫畫，也愛好攝影，他未來想推出一本攝影集，他說：「我渴望將來有機會可以推出攝影集，我自己好鍾意揸住相機影相，平時工作關係成日出埠，過程中影埋好多相。」
採訪：蔡如玉 攝影：仇志德
Makeup：NaviLam
Hair：SamuelCheung@HAIR
場地提供：LEPARISIEN
