28超模新星SashaPivovarova
具神秘氣質的俄模SashaPivovarova，被看好將是06矚目新超模。Sasha不足20歲，冷酷眼神和腳跟抬得高是她的招牌特徵。Sasha單在去年於巴黎已接了超過25個包括Gucci、LV等大牌的花生show，連MiucciaPrada都睇好佢，讚佢「有超越時代的誘惑！」
■MiucciaPrada睇好Sasha為今年超模新星。
29PREVAGE有效抗衰老
06年美容界最激烈的戰場應該是抗衰老護膚品科技競賽，其中ElizabethArden首度跟BotoxCosmetic生產商Allergan藥廠合作推出PREVAGE，以本用於醫學上的強勁抗氧化成份Idebenone加入護膚品內，功效受到皮膚醫生注目。
30厚底高跟鞋
春季潮鞋肯定要數厚底鬆糕高跟鞋，看看06年春夏各大品牌花生秀，無論是Prada、Dior、Chloe，高䠷的模特兒個個都腳踏4吋以上厚底鞋，連容祖兒也着住出席音樂頒獎禮。各位女士是時候練練平衡力和腳骨力了。
31M:I:3
第一集白賴仁龐馬空前成功，第二集吳宇森評價唔掂，第三集請來著名電視監製（《Alias》、《Lost》）J.J.Abrams執二攤，佢會唔會拍到似電視劇唔重要，皆因套戲嘅主角、亦是實際上嘅話事人湯告魯斯先至係大家焦點所在。會唔會睇？你話呢？
32RicardoTisci
RicardoTisci去年登上老牌FashionHouseGivenchy的設計總監，06春夏首季成績單叫人有目共睹，連本地名店MariaLuisa及連卡佛等亦將引入其新貨。不過本地stylistTomasChan指Ricardo的首季Givenchy系列多了商業元素，超級老牌的包袱是否如此沉重，還待三月巴黎秋冬時裝展才可見端倪。
33任天堂Revolution
任天堂預定於06年夏天推出的新機Revolution以創意先行，推出反傳統手掣，採用單手體感操控，由玩家直接拿着遙控做出斬擊或點選等動作，大大增加了玩家的投入感，亦是家用機的新突破，難怪著名日本遊戲雜誌《Fami通》，大讚任天堂帶來了十足的創意和無限驚喜。
34Oasis亞博館開Show
06年全港最hot最大的室內演唱會場是鄰近機場的亞洲國際博覽館，剛在05年底落成啟用，首場外國月bandshow由英國搖滾經典樂隊Oasis在2月25日打頭陣，這是Oasis第二次來港開Show，食正亞博館初啓用，果然係最識製造話題的樂隊。
35《高速達陣》動畫版
去年無綫播《鋼之煉金術師》令到一眾漫畫迷期待良久，傳聞在集英社著名遊戲雜誌《少年JUMP》上頗受歡迎的美式足球漫畫《EYESHIELD21》（高速達陣）的動畫版本今年也會在香港播映。若傳聞屬實，不知會否掀起像《鋼煉》的熱潮？
36《風雲歲月》
TVB一年一度大片一套，繼去年的《酒店風雲》後，今年以中港美加等地作背景，再來一個《風雲歲月》，主角有郭晉安、苗僑偉、馬德鐘同吳美珩擔綱演出。故事情節都係圍繞住兄弟決裂一貫橋段，特別係原來決裂過程係紀念住香港回歸十年的歷史。
37JakeGyllenhaal
無獨有偶，小記跟芝See菇Bi同樣貼佢今年會大紅。自Indie片《DonnieDarko》開始，經已覺得此子有潛質，到《明日之後》紅起，跟住，《情來算盡愛》有佢、李安嘅《斷背山》有佢、《美麗有罪》導演SamMendes新片《Jarhead》又有佢、《博擊會》導演大衛芬查新片《Zodiac》又係佢……斷估咁多位大導嘅眼鏡唔會一齊跌碎呀？
38NataliePortman
NataliePortman好紅啦，估佢嚟做乜？係人都知妮坦莉不甘於做花瓶，事實上佢去年嘅《誘心人》亦表現出色，推測今年可憑《VforVendetta》大放異采。電影根據經典科幻小說改編，外國影評一致推舉為「新Matrix」，而且重有AgentSmith拍住上，片中飾演恐怖分子主腦，點會唔爆先？
39透亮唇膏
春夏唇妝將興通透亮澤，但帶來通透色調的不再是唇彩，而是集光澤和滋潤於一身的唇膏。今季歐日大品牌不約而同都以通透而超貼服的唇膏作重點，歐洲有Dior，而日本則有KOSELUMINOUS作代表。
40BabyWave長髮
privateiSalon藝術總監Calvin預測06春季將會流行babywave，像洋娃娃一般的長鬈髮，盡現少女味，而長度則愈長愈好，香港女星中舒淇梳這種髮型最有Girlie氣質。咁係咪要畫個厚唇襯番呢？
41《超人回歸》
正牌超人ChristopherReeve仙遊，搵來有八成似嘅新仔BrandonRouth接手；導演唔係最先提議翻拍嘅添布頓，而是找來《變種特攻》（X-Men）BryanSinger臨危受命。男主角都唔知對唔對辦，拍攝保密功夫又潑水不入，掂唔掂好難講……之但係連《蝙蝠俠》同《金剛》都重拍兼上埋，《超人》又點可以唔睇？
42SE7ENVSRAIN
06年韓流繼續襲港，阿Rain同鄉死敵SE7EN（崔東旭）將會簽約Paco，誓要同Rain爭奪香港市場。SE7EN跟Rain同期，兩人外形相近，同樣大大隻兼擅長跳舞，就連一雙單眼皮都相近似。自出道以來，兩人便一直鬥個不停，由韓國鬥到日本，今年戰場轉移到香港，唔知Rain迷會唔會轉會呢？
43樂基兒有排玩
05年尾因隆胸縮胸而玩到娛樂圈天翻地覆的樂基兒，自從跟黎明公開戀情後，不但無因此而影響事業，反而更上一層樓，連日本資生堂最新WhiteLucent系列都搵佢做亞太區模特兒，預計06年繼續有排玩。
44《黑社會II》
據聞第二集將會講及「共產黨對黑社會的影響」，一聽這題目已經夠令人期待。阿芝話：「杜琪峯導演是少數不理會大陸市場嘅勇士，佢只相信拍一套好電影便夠。」是耶，我反而覺得古天樂會跑出，形神俱似嘛。
45《KitchenConfidential》
明珠台今年購入的電視劇《KitchenConfidential》大有來頭，故事根據外地名廚AnthonyBourdain暢銷自傳改編而成，大爆高級餐廳的行內秘史。而劇集的幕後班底由《色慾都市》的DarrenStar擔當行政監製，信心保證。
46《TheDevilWearsPrada》
呢套《TheDevilWearsPrada》影射時裝天書《VOGUE》主編AnnaWintour嘅原著小說早已是Bestseller，今勻搬上銀幕，相信唔少時裝友會捧場，而且導演拍過《Sex&theCity》，分分鐘一大堆華衣美服先係主角都唔定。
47方杰
新進填詞人中，06年值得留意方杰。唔識他？唱Ｋ一定有唱過方力申的《好好戀愛》、《好心好報》又或是PingPung的《殺她死》吧？去年產量雖不足十首，但就連Wyman也曾在專欄中公開讚賞他基本功紮實，所以上位有望。
48五月天開騷
香港近年開始流行創作歌手，不過對岸的台灣本土創作一向興旺，今年更積極發展香港市場，有傳紅遍台灣的樂團「五月天」今年打算在紅館開concert；與此同時，獨立音樂寵兒陳綺貞聽聞也會在三月再次來港，愛台灣音樂的樂迷要留意了。
49新球星：美斯
阿根廷自馬勒當拿後最矚目的新球星，相信是年僅十八歲的美斯，現役於西甲巴塞羅拿，剛在去年以近一倍的分數力壓朗尼獲得「歐洲最佳新秀」榮譽，更放下豪語要在巴塞贏三項冠軍，並隨阿根廷贏得今年的世界盃。係咪咁勁就拭目以待。
50RufusWainwright
阿芝瞓身推介：「他是一位極有實力嘅紐約唱作人，曲、詞、編、唱以至玩鋼琴皆出色，我希望佢會再紅一點。去年11月佢喺西班牙嘅演唱會上說：『在美國，只有提及性與暴力的歌曲才會hit，所以我決定寫一首叫做大腿之間的歌』。很真、很感動。」
