鄭伊健和梁詠琪（GiGi）宣布分手，當年被GiGi橫刀奪愛的邵美琪，聞訊反應平靜，對事業愛情皆失意的伊健，漠不關心，並表示現在只專注自己的工作。而被傳介入伊健GiGi的鍾嘉欣則表示會問候對方。
鄭伊健和梁詠琪昨日正式承認分手，伊健在圈中打滾多年，眾所周知他的舊情人共有三個，分別是黎芷珊、邵美琪及剛分手的GiGi。
黎芷珊：好可惜
鄭伊健與黎芷珊因為一起主持無綫兒童節目《閃電傳真機》而相戀，其後他與邵美琪拍攝劇集《九反威龍》而燃起愛火，兩人拍拖七年後，因梁詠琪介入而分手。
至於梁詠琪在理工大學讀書時曾有男朋友Kenny，入行初期仍在一起，但她與伊健合作舞台劇《仲夏夜狂想曲》後火速搭上，引發「奪麵雙琪」事件。對於伊健與GiGi分手一事，邵美琪昨日透過助手回應說：「人哋嘅嘢唔會回應，專注自己嘅工作。」
至於伊健另一舊女友黎芷珊，昨日接受本報電話訪問時說：「吓？真定假㗎？我唔信。」記者向她表示二人分手是事實，她續說：「咁會覺得好可惜。」她表示與男方分手後沒有私下聯絡，只是偶然在公眾場合遇見，問她可認為伊健目前的事業發展未如理想，再加上愛情上也失意，對男方是一個打擊？她聞言說：「唔可以咁樣講，會對佢兩個唔公平，因為分手係佢兩個之間嘅事，總之伊健係一個好男仔。」
鍾嘉欣：會問候
另一方面，早前因合作劇集《隨時候命》而和伊健傳緋聞的鍾嘉欣，昨日在將軍澳開工，她對於此事說：「我冇意見，我唔清楚發生乜嘢事。」問她可擔心被誤會是第三者，她說：「唔怕，都咁耐嘅事，大家都知唔係事實，我哋拍完《隨》劇都冇聯絡。」伊健和GiGi拍拖接近七年，問鍾嘉欣可有覺得可惜，她說：「唔答，都唔關我事，其他人嘅事，我唔可以亂講，我哋拍戲嘅時候，係唔會將私人感情帶入去，大家都淨係做好工作。」鍾嘉欣表示有機會在公開場合碰到伊健都會問候一下。
採訪、攝影：卓寶花、馮美茵、戴彩煥
