踏入06年，香港有兩間新專門店開張，一間為ABathingApe，盛傳落實由I.T.負責香港專門店事務；Ape對形象操控一向嚴謹，選址方面已令I.T.一頭煙。Ape地下發言人，有水貨大亨之稱的袁仁祥提供以下小道消息：「唔怕話你知，早排佢哋睇過波斯富街泉章居，樓上搞FootSoldier，樓下賣衫，不過新業主成3億買泉章居個舖位返嚟，第時收你幾錢租好？賣幾多對BapeSta先夠數？所以𠵱家又轉戰中環，想包一幢三層高舊樓做BusyWorkshop，嚇鬼咩？不過泉章居第時唔賣行貨Ape，咪賣水貨Ape囉！因為嗰度改建商場，到時實有行家開舖。」
大食Jack（[email protected]）