早前鼓手黃建福喺齊秦北京音樂會上不慎墮台慘死，佢嘅死因鑑證報告噚日出咗。法醫證實黃建福因為後腦落地先，所以致死原因係頭顱底骨折。不過黃建福老婆就話亡夫跌落嚟係塊面落地先，講法唔同。齊秦噚日就話：「死者已矣，人生無常，但我總得面對現實，要送他風光走最後一程。」據知齊秦會越洋委託葛福鴻號召台灣眾歌手，喺黃建福公祭嗰日獻唱同籌款紀念佢。