香港電影世界知名，旅發局就利用明星效應宣傳香港，同AXN合作嘅《HongKongMovieOdyssey》重攞咗收費電視頻道最佳旅遊宣傳片獎。
而內地有幾千萬人會睇到嘅宣傳片《星星細語香港情》，旅發局就搵咗成龍同劉德華等猛人嚟介紹香港，其中一位阿姐雖然唔係明星，但風頭都唔弱，佢就係跳水皇后伏明霞。
小伏好有心，重搵埋大女宣傳香港家庭樂，但因為一日要拍幾個鏡頭，所以去到科學館，佢個女就攰到瞓咗，小伏惟有同主持撐住，再靠後期剪接，所以睇片係唔覺個小朋友突然間唔見咗㗎。
好在，後嚟去到海洋公園，爸爸前財政司司長梁錦松終於出現，重好熟手咁抱住囡囡餵海獅，𠱁到個女笑唔停。點解小伏肯粉墨登場？因為佢真係好鍾意香港囉，如果唔係點會貴為國寶肯下嫁阿松？小伏就話，佢最鍾意香港夜景。
傳真︰2623-9278
電郵︰[email protected]