06Preview：06NO.1Twins拆夥阿Sa彈硬

新一年新作風，唔單止要破舊立新，亦要展望將來，第一期flu就要同你hea盡全香港，捐窿捐罅去勻各地摷新料。頭炮呈上「06Preview」，同你預告今年50必熱必買必知必睇嘅大事hit嘢，咁先可以掌握最前資訊，成為入型入格一等潮人。第一件預告大事係若阿Sa獨立發展，今年爆硬。

記者：吳小明、謝翠玲、梁學文

Tip阿Sa為我們的06躍進人物首位，而唔提阿嬌，正因最近傳得甚囂塵上的Twins拆夥傳聞。在此先來個撇清絕無火上加油混淆視聽的居心，而是由衷覺得阿Sa的潛力未有耐見底，絕對可以更上一層樓。
Twins組成近5年，大紅特紅，可說是本地娛圈史上最紅的組合，撇開偶像派實力派這等二元分野，也不計到底阿嬌靚啲定阿Sa靚啲，在音樂成績單方面，二人未曾分開過，無從比較；跟其他女子組合比，也沒有太大意思，畢竟由DayOne開始，Twins不曾以創作人自居，唱片大賣便是衡量商業上成功的證明。然而在電影方面，阿Sa的表現有目共睹，我們也是以阿Sa過去在電影的突出表現，來推斷她尚有無限發展空間，唔信？聽吓佢哋點講……

2001《戀愛起義》、《常在我心》　

2002《我老婆唔夠秤》、《這個夏天有異性》、《一碌蔗》

2003《下一站天后》、《這個阿爸真爆炸》、《戀上你的床》、《千機變》、《鬼馬狂想曲》

2004《戀情告急》、《阿孖有難》、《追擊八月十五》、《千機變2之花都大戰》

2005《精武家庭》、《情癲大聖》、《再說一次我愛你》

獎項：2004第四屆華語電影傳媒大獎頒獎典禮　港台最受歡迎女演員

《常在我心》擔大旗演絕症少女，多場內心戲演來稱職，演技實力潛質盡露。

《下一站天后》恍如度身訂做的角色，阿Sa演來得心應手，的確是「下一站天后」。

《情癲大聖》做醜角無問題，反而讓觀眾更加憐惜，屬佢演戲歷程中最「真打」的一次。

就拆夥傳聞，Mani講得斬釘截鐵：「拆夥絕對唔會，今年佢哋各有獨唱，阿Sa會試吓填詞，在創作方面行多步。電影方面，阿Sa落實咗有兩部戲，都係懸疑同劇情片，有好大發揮機會，亦可以講係阿Sa喺戲路上轉型嘅試金石。」拆又好唔拆又好，今年都一定係阿Sa年。

芝See菇Bi：認識佢係因為《戀愛起義》嘅試鏡，發覺她嘅理解能力比同齡妹妹高，要當一個好演員好歌手，最重要係對劇本或音樂嘅理解。我相信阿Sa會再有進步。

導演鄒凱光：無論拍《這個夏天有異性》抑或《下一站天后》，阿Sa都是打天才波，因為佢無時間揣摩角色，如果遇到像袁詠儀在《新不了情》嘅角色，影后都有得攞。

楊天命師傅：阿Sa屬狗年，今年犯太歲，會心煩心多一點，但唔影響事業運，可以放心去馬。愛情方面，佢本身專一，對方多情，唔煩就奇，我建議佢今年應戴兔形玉飾物。」

星座小王子：阿Sa今年事業運同工作運非常好，有一飛沖天嘅機會，但佢已經咁紅，當然意味佢紅上加紅啦。

DDJ：06年阿Sa應該會愈來愈瘦，因為佢嘅工作應該會好多。

阿芝：雖然佢唔係特別靚，不過好有觀眾緣，愈睇愈順眼。

明仔：阿Sa真係好得意，演技愈來愈好，睇佢套《情癲大聖》就知啦。

無論Twins拆唔拆夥，以阿Sa嘅走勢來講，有得留低兼大有作為是可以肯定嘅事，真係拆夥嘅話，吉出嘅位置係……新Twins如假包換孖生姊妹Janice&Jill？近排個勢好強，上位有望。

點解係JohnGalliano？因為今年Galliano各個春夏系列，無論是Dior、Galliano個人女裝甚至GallianoHomme，都有不同面貌附以相當驚喜。先講Dior，Galliano難得「洗盡鉛華」交出一個素淨簡潔的春夏系列，全Nude裸色輕柔雪紡佔主導，素色衣裳看似統一，卻各有微妙細節變奏。
另一方面，壞孩子卻將一貫出色花招放回自己個人品牌中，題為「EverythingisBeautiful」的Galliano春夏女裝，衫是往年的花團錦簇，但找來高矮肥瘦老嫩侏儒細路，表達出任何人也可以美的訊息，難怪連《Vogue》都選Galliano為今季最出色的貓行騷。

精神分裂：
■裸色Dior系列非常「Non-Galliano」。

■Galliano女裝：大隻佬、侏儒女、白頭阿伯齊齊傍住model行騷，惟有Galliano諗得到。

05年全年頭號熱門話題當數丹布朗的暢銷小說《達文西密碼》（TheDaVinciCode），今年小說電影版在五月公映，單看牌面，由金像導演班底朗侯活（RonHoward）主理，加上好戲之人湯漢斯、柯德莉塔圖和尚連奴，幕前幕後班底已是信心保證。小說中因為涉及聖經及宗教的劇情而引起的爭議，在拍攝途中也引出不少是非，令人更想入場分解這個似真還假的密碼。

■《達文西密碼》的宗教及懸疑成份，是整部片的賣點。

希望電影版能將書上精采嘅情節喺實景重演。小說喺香港咁受歡迎，估計電影正式上映時都應該會收得。

第18屆世界盃足球賽決賽周將於今年6月9日至7月9日在德國舉行，絕對是本年度舉世矚目的體壇盛事。今屆賽事的大熱依然是上屆冠軍巴西，不過引人注意的反而是4支首次殺入決賽周的非洲球隊。還記得上屆賽事，法國就曾經以0-1負了非洲球隊塞內加爾。除了球隊之外，本屆的專用足球將採用復古風格，回復黑白相間花紋，同時富德國本土特色，名為Teamgeist。

■巴西今年繼續被睇高一線，極有機會奪冠。

■今屆球賽採用復古的黑白相間花紋足球。

我睇好巴西！捱眼瞓睇都要啦，話晒係4年一度盛事喎！有機會我都想飛過去睇呀！

PS3絕對是06年令人期待之作，採用3.2GHz多內核處理器，意味着能顯視更銳利的圖形，而且加快咗同時處理更多物體出現在屏幕時的遊戲速度。除了其強勁的圖像處理功能外，全新研製的Blu-rayDVD技術和HDMI輸出端子，再配合HD1080p高清畫質的畫面，足以令PS3有能力成為06年機壇爭霸戰的勝利者。大作如《MetalGearSolid4》、《DevilMayCry4》及《仁王》等，都是game迷引頸以待的勁game。

■採用無線遙控，以後打winning就唔怕線絆腳。

我都好期待屋企可以多部機打，不過後生嘅就更加期待幾時喺邊度有得改機。