三十五歲新寡阿玲，喪夫之痛尚未平復，現又面臨被房屋署收樓，情緒十分低落。「我欠咗房屋署一個月租，𠵱家佢哋發信畀我，要收番我間屋，我兩母女唔知點算。」阿玲幽幽地說。
與三歲稚女相依
阿玲八年前下嫁較她年輕四歲的丈夫，兩夫婦當時從事飲食行業。其夫後來誤入歧途，染上毒癖，夫妻關係逐漸變得疏離，財政壓力亦愈來愈大。
「佢之前犯咗事，呢幾年都喺監獄度過，當時個女剛剛出世，我真係好彷徨，我要湊BB，實在兼顧唔到工作，惟有迫住申請綜援。」
前年十一月，阿玲的丈夫終於刑滿出獄，她滿以為一切也雨過天青，惟其夫去年十月十三日因為吸食過量毒品，在家中突然昏迷，送院搶救後不治，結束三十一年短促人生，遺下她與三歲稚女。
阿玲表示，自從丈夫離世後，她未睡過一趟好覺，現在還要提心吊膽，惟恐房屋署會隨時上門收樓，精神壓力很大。
「我老公有毒癮，屋企嘅經濟一直好緊張，由上年開始，我都冇辦法依時交租，每次都係拖一個月，所以房屋署話我違反租約條例，如果再唔清晒啲欠租，就要我今個月尾搬走。」
阿玲泣訴︰「𠵱家我兩母女得三千三百幾蚊綜援，扣埋水、電、煤雜費，只係剛剛夠應付一個月嘅生活，真係冇辦法再喺裏面攞多一個月租金出嚟。」
蘋果基金助應急
蘋果日報慈善基金了解過阿玲的處境，撥款二千一百八十元，助她清還一個月屋租，讓孤寡可繼續保留單位，有容身之所。
捐款編號︰C0949
服務熱線
電話：29908288
傳真：23702192
電郵：[email protected]