醫院管理局行政總裁一職嘅爭奪戰已進入最後階段，聽聞𠵱家係由嚟自英國同澳洲兩位資深嘅醫療系統管理層之爭，之前呼聲甚高嘅新界東醫院聯網總監馮康同醫管局專業事務總監張偉麟好有可能「墮馬」。八方聽聞有啲醫生對於日後可能有老外主事相當愕然，擔心對方未必明白香港文化，又擔心溝通唔到，非常反對。醫管局內高級行政人員近日重四出搵啲醫學團體支持搵本地薑做呢個位；另一方面，有公立醫院醫生就覺得再搵本地人做都未必可以扭轉醫管局嘅局面，所以都係撐洋老細。
代表醫學界嘅立法會議員郭家麒覺得業內對人選眾說紛紜，於是決定搞個調查，希望幫遴選委員會了解吓前線嘅意見，佢話佢自己本人立場中立，希望全港醫生可以表吓態。
傳真︰2623-9278
電郵︰[email protected]