曾因涉嫌漏報利益衝突而受困擾嘅立法會議員涂謹申，喺領匯主席鄭明訓涉嫌漏報利益衝突事件上，表現最勇猛。話說上次立法會財經事務委員會討論鄭明訓事件，佢掛住出去聽電話，會議最後得番小貓兩三隻，結果大會主席陳智思喺聽取唔同意見後總結，唔再需要請鄭明訓出席立法會解畫。
涂謹申事後好唔滿意，噚日再喺內會要求續議鄭明訓事件，不過就俾民建聯同自由黨連番攻擊，陳鑑林重「潤」佢話，唔申報唔代表有利益衝突，呢方面民主黨應該好清楚。擾攘一陣後，大會決定喺四月再跟進領匯事件，屆時會請財庫局、證監會同領匯董事局出席，鄭明訓嚟唔嚟由佢自己決定。
傳真︰2623-9278
電郵︰[email protected]