天主教香港教區主教陳日君雖然喺反對23條立法、爭取民主人權問題上一直敢言，得到唔少市民支持，但正所謂關公都有對頭人，噚日有線電視播出一個探討政、教問題嘅節目，搵咗同樣來自慈幼會嘅李海龍神父，批評主教言論。不過主教就唔介意，佢話爭取民主其實都係爭取公義，都係教會應該要做嘅事。主教又話，上次政改佢冇牽頭「綑綁」民主派，當時只係諗住傾吓偈，主教話自從五十萬人上街，香港人胃口大咗，吓吓講要有幾多十萬人上街，所以有時佢都要呼籲多啲人出嚟！
不過，識咗主教好耐嘅中大政治與行政學系系主任關信基喺節目入面話，主教有時俾傳媒吹捧得太多，可能唔係幾好，所以佢勸主教日後講嘢要謹慎啲，都未嘗冇道理。
傳真︰2623-9278
電郵︰[email protected]