李連杰最近嚟咗香港為《霍元甲》做宣傳，噚日佢喺會展出席一個座談會，有二百個年輕人嚟聽，其間重可以同杰仔對談，杰仔鼓勵年輕人要積極面對人生，要勇敢克服困難。杰仔重話早排自己去過西藏學習點樣面對死亡，一共喺西藏打坐咗七日，終於有咗領悟。
活在當下
杰仔認為人生出嚟就係要面對呢一日，只係遲早問題，但幾時就唔由得自己控制，人生最緊要活在當下，開心時要盡情開心，做事時就要努力去做，有困難就要勇敢面對，同埋在生時應學會該珍惜眼前人。
其實杰仔因多年嚟拍戲，已經搞到身體五勞七傷，醫生忠告佢如果唔想殘廢最好停止拍動作片，但杰仔解釋話：「我知道拍戲有危險，但我要保持知名度，才可以有助推廣武術，所以不能擔心太多。」
