煲呔上年當旺，連內地雜誌《小康》都選咗佢為○五年中國政界十大新聞人物，同中國人民銀行行長周小川、衞生部長高強、商務部長薄熙來，以及國民黨榮譽主席連戰並列，認真有face。
《小康》形容「董落曾上」，完全係為咗香港明天會更好，捧到煲呔天上有地下無咁。八方睇埋其他入選名單，重有國家安全生產監督管理總局局長李毅中、青海省省長宋秀岩、已故中共中央副主席榮毅仁、國家統計局局長李德水，以及為咗松花江污染事件請辭嘅原國家環境保護總局局長解振華。
除咗內地雜誌，雅虎香港嘅《2005風雲人物選舉》，一共有二萬六千名網民投咗票，香港榜煲呔都高踞榜首，黃仁龍排第二，米奇老鼠因迪士尼落成排第三，而老董就排第四，精英大師僅以四十四票落後排第五。
傳真︰2623-9278
電郵︰[email protected]