嚴淑明自被傳出是變性人後，不時被投以奇異目光，對她喉嚨狀態尤其注意，令當事人啼笑皆非，日前她自嘲要上演一幕人妖打排球，不過打波時卻雞手鴨腳。
到台灣發展演藝事業的嚴淑明，近日因變性人傳聞成為話題人物，屢遭奇異目光注視，特別是喉嚨位置最受注目，不少人都想看看她的喉核有多大，令她啼笑皆非。
稱受到傷害
日前嚴淑明返港跟家人共度聖誕，順道接受本報訪問，問她對變性人傳聞有何看法？她說：「變性人對我嚟講係一單笑料，但另一方面，亦都傷害到我，影響我喺台灣嘅事業，所以經理人公司已經發咗律師信畀有關雜誌，控告佢哋誹謗。」
不過嚴淑明十分大方，還自嘲說：「大家咁畀面，不如我玩人妖打排球畀大家睇飽佢！」但電影《人妖打排球》中，位位成員球技精湛，嚴淑明卻雞手鴨腳，不但經常接不到波，還頻頻食波餅。
三月會開騷
嚴淑明笑說：「我以前有睇日劇《排球女將》，跟住就好迷打排球，雖然我打得好水皮，但係運動呢樣嘢，冇話唔叻唔玩得嘅。」
嚴淑明續說：「我覺得打排球可以減壓，近年因為忙做嘢，冇時間做運動，𠵱家郁動吓啲筋骨都唔錯！三月我會喺新加坡舉行迷你演唱會，都係時候做運動練吓氣，做好準備。」
採訪：戴彩煥 攝影：何國豪
