人不可以貌相！一隻「上海牌」手表，竟然賣十萬蚊（人民幣．下同）一隻，重全部五十隻賣晒。呢個一九五五年出世嘅上海老牌子，最風光嗰陣，上海人逢結婚都要買一隻，當時一隻賣一百二十五蚊，等於一名工人三個月人工。呢隻限量發行嘅上海表之所以咁貴，不單止因為用咗18K金表殼，最值錢係上海表業自主研製生產嘅陀飛輪機芯。