樓市麻麻，賣樓要平少少至得，不過，信心夠嘅就唔使監平賣，中原葉瑋珩話，屯門康麗花園二座中層A，四百七呎，因多人想要，業主索性賠定重售，以七十萬再售出，每呎近千五，比起原先六十三萬賣價，執多兩三萬。 葉瑋珩話，業主係因為另外有買家出更高價錢，計過數、有着數，先至賠定重售，呢類個案，近排已經難得一見。