湯盈盈日前以李笑好扮相，貼上兩行假鼻涕，現身太子雀鳥花園（俗稱雀仔街），拍攝無綫節目《笑口常開》，其間有雀鳥在盈盈衫袖上留下糞便，嚇得店東立刻替她清潔。
湯盈盈憑劇集《阿旺新傳》飾演李笑好竄紅，無綫遂安排她繼續以阿好形象，拍攝節目《笑口常開》，日前盈盈就扮演領隊，手持好笑旅行團旗仔，率領羅莽、李家聲、朱咪咪等演員到位於太子園圃街的雀鳥花園拍外景。
籲打流感針
盈盈當日除戴上阿好那棚假牙外，又以膠水黐兩行假鼻涕，醜絕雀仔街，甚受街坊歡迎，沿途上不斷打招呼。盈盈說：「我都係配合番個角色，加上觀眾接受，暴露醜態都冇所謂。」出巡期間，盈盈頻頻親親雀鳥，有售賣雀鳥的店東主動上前閒聊，並拿出雀鳥給她欣賞和拍攝，豈料雀鳥在盈盈的衫袖上留下糞便，店主大為緊張，即替她清潔。
《笑口常開》今集內容講述阿好做導遊帶團去雀仔街，又呼籲大家要打流感針，可是盈盈卻經常將對白錯講為「打禽流感針」，十分搞笑。盈盈對雀鳥亦甚感興趣，完全無懼禽流感陰影，她說：「香港入嘅雀仔係經過檢疫，百分百安全。」
採訪、攝影：卓寶花
