商台節目《有誰共鳴》～ShareMySong每次都搵唔同嘅名人，分享佢哋鍾意嘅歌曲，噚日就搵咗「涉嫌」係「泛手袋黨」之一嘅Tom集團大股東周凱旋。呢位超人紅顏知己介紹咗3首歌，但都唔係情歌；周小姐話一向唔鍾意只講愛情嘅歌，佢嘅心水歌係有啟發性和勵志，一首係Madonna嘅《OpenYourHeart》，因為歌詞反映Madonna自我主動的生活態度，改變咗唔少年輕人的思想及觀念。
另一首係英國利物浦首會歌《You'llNeverWalkAlone》反映咗周大姐嘅心聲，原來佢都有唔少識於微時的老友記，有啲重係5歲時就來往，真係長情。
至於佢揀嘅唯一一首中文歌係林子祥嘅《三人行》，佢話呢首歌勾起好多童年回憶，亦為好多人帶來夢想。阿Lam在首歌中唱：「…而旁人仍不歡，話我自滿以心做伴，但我任人胡說只是旁觀」，唔知周大姐有冇受呢首歌嘅歌詞影響呢？