政務司司長肥龍許仕仁（圖右三）喺政改方案被否決後發脾氣鬧民主派，放完假都應該下咗啖氣，又再恢復番佢老哥笑騎騎本色，噚晚走咗去中聯辦新年酒會，重同成班局長上台做主禮嘉賓，不知幾開心。
八方見佢好似已經忘記咗政改方案俾人扑低咁，成晚全場飛，周圍同人打招呼，不時細聲講，跟住騎騎笑，顯示佢老哥有幾交遊廣闊！不過佢老哥開心埋呢幾日，遲吓立法會復會，西九龍文娛藝術發展區呢個政治炸彈又要傾，今次除咗民主派，重有自由黨、地產商、文化界睇住佢老哥點拆彈，隨時大件事過政改。
韋志滿攝
傳真︰2623-9278
電郵︰[email protected]