A45噚日又出報紙，大狀Audrey余同Margaret吳，照樣着到靚一靚落街，向市民送上新鮮滾熱辣嘅報紙。
今期報紙有乜特色，嚴格嚟講可算係一份「革命報」。八方何出此言？都係因為今期嘅古仔非常有作戰色彩。關注組好揼本咁派人專程去到韓國，追訪韓農抗爭領袖郭魯忠，問佢領導韓農示威嘅心路歷程，結果就喺頭版刊登咗呢隻古仔。
揭去入面睇睇，又開始聞到啲革命味道，之唔係就響嗰篇「我的父親與曼德拉」嗰度傳出。撰文嘅居港英國學者閔福德（JohnMinford）教授，憶述佢爹哋當年點樣協助營救南非第一位黑人總統曼德拉。閔教授早前已經答應加入關注組，有呢位咁猛料嘅人馬作為創黨黨員，關注組真係卧虎藏龍。
傳真︰2623-9278
電郵︰pf_lee@appledaily.com