齊秦除夕喺北京舉行音樂會，佢個鼓手好友黃建福不幸跌落台逝世。事隔幾日，重喺北京嘅齊秦日日匿埋喺房，拒絕同外界聯繫。當時目擊黃建福跌倒嘅低音結他手譚明輝心情一樣未平復，原來當時黃建福外表冇嚴重傷痕，所以等救傷車時，成班樂手重食煙傾偈，點估都估唔到拍檔就咁走咗，成班樂手都覺得好後悔。