○五年政壇是非，過咗年仍餘波未了，喺否決政改方案一役中驟成「新民主女神」嘅譚香文，因不滿「師傅」民主黨李華明向外稱成功「勸服」佢投反對票，令人認為佢立場搖擺不定而耿耿於懷。為平息風波，民主黨立法會黨團召集人單仲偕早前向譚香文道歉。單仲偕強調咁做並冇批評李華明之意，只係覺得既然有人「感覺唔好」，為顧存民主派團結同表示友好，佢應該講句對唔住，事前並冇喺黨團討論，今日先補飛交代。
譚香文似乎未下氣，而成為「反對派」後，中聯辦已再冇搵佢傾偈，八方問佢有冇後悔，佢話：「我早就寫好講稿投反對票，根本唔係李華明游說我先做決定。」李華明稱理解譚香文感受，但事件已告一段落，無謂多講。
傳真︰2623-9278
電郵︰[email protected]