去過日本行公司嘅人，都會被日本從業員嘅鞠躬文化吸引，好似零舍受人尊重。估唔到，台灣銀行都學咗呢樣嘢，竹商銀最近引入咗套新制度，企門口招呼客人嘅引導員，迎客要鞠躬三秒鐘，送客要六秒鐘，唔係求其鞠吓，係九十度嗰隻，重要戴埋白手套，記住啲熟客嘅名……咁多要求，唔怪得之鞠躬都要培訓兩日啦！