一向水靜河飛嘅電力市場近排旺到你唔信，一個禮拜前先有港燈（006）大幅加電費，之後政府又整咗個電力市場第二輪諮詢出街，今年頭個禮拜一半未過，前總理李鵬個女、即上市公司中電國際（2380）副董事長李小琳就急不及待，噚日向傳媒再次發表「北電南送」鴻圖大計。
華華對李小琳嘅鴻圖大計非常佩服，但係有一樣嘢就諗極都唔明，話晒中電國際母公司都係中國五大電力集團之一，供電亦關乎全港市民福祉，但係原來佢哋個記者會只係預咗5個傳媒，華華都係睇到證券行嘅MorningNote，見到有停牌消息，先知道有咁嘅事。使唔使咁閃閃縮縮呢？
講開又講，噚日個記者會雖然係「臨時」開嘅，但李小琳仍能盛裝出席，不負「最美麗的女電王」之稱號。唔信大家睇睇10年前嘅李小琳（圖二），真係女大18變。
程志遠攝