阮兆輝個仔阮德鏘噚日喺佢太子道屋企開記者會，話屋企幾年前俾賊仔爆竊，唔見過百萬，今年平安夜又俾賊仔喺大廈停車場偷咗架過十萬電單車，佢話：「係看更失職，我每次返屋企，佢都瞓緊覺，架電單車用兩條鐵鏈鎖住，要用大貨車先搬得郁，看更竟然唔知，同管理公司交涉，要求賠償，又推三推四，每個月交五千四蚊管理費，業主立案法團又唔肯換管理公司。」