草蜢成員蔡一智前晚宣布做狗年新郎，決定於今年十月迎娶拍拖多年的女友周雪芳。前晚阿智邀請親朋好友到家中飯敍，親自宣布好消息，他還興奮地透過電台的電話訪問，向未來太太即席求婚，甜蜜到暈。
草蜢成員蘇志威早已成家立室，拍檔蔡一智與女友周雪芳亦拍拖多年，近日他計劃於今年十月三日與女友拉埋天窗。
阿智前日四十一歲生日，他特別在家中宴請親朋好友，除親自下廚外，還即席宣布與女友拉埋天窗。阿智前晚與好友狂歡，並接受商台《架勢堂》電話訪問公布好消息。
「人生已過咗一半」
阿智興奮笑說：「我想同大家分享，因為過咗○六年，人生已經過咗一半，今日親自下廚請屋企人同一班好close嘅朋友食飯，係有一樣嘢宣布，因為實在太高興，我會喺今年十月三號結婚。」
現正籌備婚禮的阿智透露，已決定於蘇志威當年與劉小慧擺喜酒的洲際酒店設宴，阿智說：「我覺得係天意，出年（即狗年）雙春兼閏月，四圍都好難訂酒席，點知就係喺蘇志威當年搞婚禮嗰度訂到，佢都係十月結婚，一切好似有安排咁。我會講畀多啲朋友聽，因為我覺得有一個咁好嘅未來太太，一定要話畀所有朋友聽。」
訪問期間，阿智表現興奮，更再次透過電台節目向未來太太求婚，其女友也馬上答應，阿智說：「𠵱家講畀大家聽係直接求婚，希望喺呢度佢會嫁畀我，我一生人都未做過啲咁老套嘅嘢，雖然老套，但我願意做呀！」阿智謂他一向很嚮往家庭生活，也是個很傳統的人，所以結婚會大排筵席，舉行正式婚禮。
女友女兒如己出
其實，阿智自與女友拍拖後，常帶着對方的女兒出遊，故曾被誤會他與女友秘密生女，不過阿智毫不介懷，還將女友的女兒視如己出，雙方感情十分要好，所以阿智覺得不需要澄清。
撰文：蔡如玉、羅慧敏
