踏入○六年，警隊好快就有人事變動，喺世貿會議期間成日出嚟開記者會嘅警察公共關係科總警司馬維騄就有新職，十六號調去刑事總部接黃柏年個位，八方恭喜馬警司升職，佢笑話平調啫，黃柏年五十五歲，夠鐘要退。
當然調離公關組，以後就少咗見報機會，馬警司嘅英文字正腔圓，喺MC6露咗幾手，八方只係彈佢有時太官腔，佢話都冇辦法，因為要按本子辦事，不過，佢都承認韓農事件係佢一生難得嘅經驗，永遠難忘。
至於佢位接任人蔡黃鳳儀喺警隊都做咗二十八年，係第一位女士坐呢個位，唔知一哥係咪想以柔制剛，出到女性做發言人？
傳真︰2623-9278
電郵︰[email protected]