魚子醬，單看字面已令人聯想起五星級酒店或高級食府等高消費場合，其中俄羅斯鱘魚子醬被譽為全球最佳，其鮮味非其他食物可比，是豪華的餐前小食。有食家指出，魚子醬醃製過程極為重要，而全世界首屈一指的魚子醬醃製專家，卻都在伊朗。
製醬專家全在伊朗
本地食家蔡瀾說，魚子醬經醃製後味道不太鹹不太淡，才是極品：「全世界最叻整魚子醬嘅幾個人，都喺晒伊朗，所以伊朗嘅魚子醬先係全世界最好嘅。」
蔡瀾表示，最簡單的食法，才可顯出魚子醬獨特的鮮味；對於有指應用魚骨或膠匙羹，而不應用鐵匙羹享用魚子醬，他說：「用乜嘢食具根本唔重要；而且，只有質地差嘅魚子醬先至用嚟煮餸，靚嘅梗係應該就咁食啦。」他認為吃魚子醬時，喝些伏特加酒，相得益彰。
另一食家劉健威則說，坊間都認為俄羅斯鱘魚子醬品質較佳，而魚子醬獨有的鮮味，可用作餐前開胃小食，亦可配以白麵包：「搽喺麵包上面食，咁先唔會搶咗啲鮮味。」
體形愈大味道更佳
若鱘魚子醬交易被禁，劉健威認為沒有其他食物能夠作為代替品：「就算其他魚子醬都唔係嗰回事。」他說體形愈大的魚子醬，其味道更佳，價錢往往更貴。
本報記者