唐唐好戲等住出台 - 李八方

  唐唐好戲等住出台 - 李八方

唐唐○六年個勢好到極,一開波就連拉兩場頭馬,煲呔真係唔好太睇小呢位根正苗紅嘅對手。財爺今次攞個彩,但係好可惜,佢話咗唔再理家族生意,但係家族又偏偏唔捨得佢呢位生招牌,喺工展會博大懵,打正旗號賣財爺靈芝。
八方聽聞,唐唐之前唔知情,但係後嚟報紙一寫,好多人都以為佢會避嫌收番個牌,點知唐唐哋覺得冇問題,又真係好奇怪。
唐唐條命算唔錯,煲呔加肥龍都搞唔掂個政改,反而經濟就轉勢,一年好過一年,八方都想佢減稅,減低中產人士嘅負擔。大家有意見快啲講,因為佢呢個星期五上新城做埋電話phone-in,下周六去西九做電視直播,公開諮詢工作就完成,當然如果重有意見,可以上budget.gov.hk發表。

傳真︰2623-9278
電郵︰[email protected]