俗語有話創業容易守業難，照咁講，利豐集團嘅兩位話事人馮國經及馮國綸兩兄弟，不但子承父業，重管理得好出色，真係一啲都唔簡單。佢哋兩個唔只被台灣傳媒睇得起，叫馮國經做香港嘅「地下特首」，就連老外都封咗佢哋做BusinessmenofTheYear。
馮國經比較高調，鍾意教書，馮國綸較低調，喜做生意，華華上過佢哋在荔枝角寫字樓，一啲都唔奢華，而選佢哋做BusinessmenofTheYear嘅喺最新一期《福布斯亞洲版》，福布斯話喺商業的十字路口上，兩兄弟成功將一間家族企業發揚光大，變成一間專業管理公司，將歐美消費者同全球逾40個國家的廠商連在一起。
利豐05年上半年純利及營業額分別增長達23%及19%，令人鼓舞，《福布斯》重話，隨住中國開放政策及經濟快速增長，利豐作為中西方貿易之間嘅橋樑角色，愈來愈顯得重要。馮國經及馮國綸得到咁多人認同，相信馮老太最感安慰。
李華華